玩到大約5點幾，我們便離開樂園步行去酒店，大約15分鐘便到，好近。
我第一次去迪迪尼酒店，真係好靚，但因晚上c & f要開會，所以我們只行了45分鐘左右就要離開啦，希望快d有機會再去過。 

真係估唔到，被金婆婆大腳一tag，咁就三週年啦！記得開blog日是05年7月26日，第一篇文章係7月29日，和很多「老blogger」差不多啊

1. 你寫blog有多久？ 最初為什麼會有開始寫blog的念頭？
答：中學時代有寫日記的習慣，後來轉了事記，再後來就忘記........很久以後，在blog不太興起時，朋友在一些網上收費的web上寫blog，覺得幾新鮮又得意，於是我又跟住開，但基於收費，在免費試用期過後便沒有再寫了。跟住就在sinablog開了自己的blog，其實點解會選sina呢？好用？瀏覽量多？靚？....全都不是，主要係為咗......都係唔爆比大家知，等5週年先爆

2. 寫blog至今，最難忘的事是什麼？
答：最難忘是上過十大，上過推介咁囉......有點像容子媽媽寫的吧~哈哈，318事件，饑饉英雄事件，BLOGGER盲俠行事件，呀仲有識到好多好多好多朋友，呢d朋友會令到你無乜休息時間架，呢例如某某青年大使果d.....呀差d唔記得呢位人兄，唔係寫blog我諗都識唔到佢，有睇我blog都知佢係邊個，唔使我講啦！

3. 你覺得寫blog最重要的原素是什麼？
答：有heart！和容子媽媽答案一樣！

4. 請用一個詞語 / 東西形容你的blog。為什麼會由這樣的想法？
答：喵喵聲！有名比你叫「貓糊」呀~

5. blog在你的生活中擔當著什麼角色？
答：與別人分享我的事和物~

6. 你覺得自己和MySinaBlog的blogger們有著怎樣的關係？
答：雖然有些未見過面，但都像老朋友般~

blogtag要我tag 3-5位bloggers的，那就以下幾位吧!

灣仔文,日月明,晶晶請接招!

希望會寫5週年BLOG TAG啦！

哈哈，因為要女model影太耐不好嘛，所以呢位男同學就要充當model先啦！ 

特別嗚謝(MODEL)：FA

(閱讀全文)

要與時間競賽、要與特發事件戰鬥，少一分智慧少一分心力也會即時敗筆。

不要祈望，就不會失望，不要依賴，才能掌握安全。

每個人的路也都難行，要更努力保護自己，因為在戰爭中不會有乜乜王子出現救你。

戰鬥過後，只有神才會安慰你，才知道你最想要的是什麼。

感恩，因為有祢的支持、鼓勵、保守平安，才能在戰亂中安全走過。阿門！

課堂開始，「花靚仔」阿sir先要我們雙手握浮板，只用踢腳形式游50m x 2，第二round都同第一次無乜分別，只係多了要換氣，即係已游了200m，之後一眾太太們都軟晒，在池的一角吹水加回氣。但，「花靚仔」阿sir又再繼續要大家游，又係用浮板加踢腳加手動作，游50m x 2，之後再來多次用浮板加踢腳加手動作加換氣，又係50m x 2，總共游400m，在首半小時內太太們已被「花靚仔」阿sir攪到無氣又無力。其實400m唔係多，但大家都是剛學會游水，有些仲要游到50m都好勉強時，邊有咁多氣力同你咁「操」法吖？！

我心想做乜last一堂攪「操水」架！游死人咩，已經唔靚仔加雞仔聲，興奮程度已減半，仲要係咁「操水」，咩上堂既好心情都無晒啦。

好啦，游完400m，阿sir仲要攪新意思，閉氣游50m x 2次。即時有同學女話：「阿sir，之前我地無學過呢家野喎，點游架！」我心想.........呢個阿sir都真係.........痴線！

於是，就發生了「當寸咀學生遇上瀉膊阿sir」事件：

阿sir：「好啦，休息完就游啦，盡量閉氣游晒佢，如果真係唔夠氣時先再撥手吸氣啦。」
寸咀：「阿sir，之前miss都無教過喎，我地唔識游呀，你示範來睇吓啦。」

阿sir：「唔使啦，好簡單，盡量閉氣游晒佢之麻。」
寸咀：「同學都唔知幾時吸氣好，吸左邊定右邊，係咪只係吸一邊氣先？你示範啦。」

阿sir：「咁miss，你示範啦。」
寸咀：「做乜要miss啫，你教架嘛，唔係你仲要邊個呀？」

阿sir：「得架啦得架啦，miss示範得架啦，唔使我啦。」
寸咀：「miss唔使理佢，阿sir你唔係fa，你教你唔示範？你嚟代堂，有錢收架喎，唔使做呀！，miss，唔使理佢，有乜理由佢教但又唔做示範啫.....佢唔示範我地點游先？！」

(閱讀全文)

材料:

蛋白 - 1 隻
砂糖 - 60 克
有鹽牛油 - 135 克
低筋麵粉 - 180 克

做法:

1. 先將蛋白與砂糖高速攪至完全混合.
2. 加入已篩過的低筋麵粉, 以低速攪至完全混合
   (如要其他口味可在這個步驟同時加入, 例如: 可可粉, 抹茶粉或各款香油)
3. 麵糊放入唧袋內，在焗盤上唧出自己喜愛的曲奇形狀
4. 最後放入已預熱 180 度的焗爐, 焗約 20-25 分鐘便成

(閱讀全文)

最初二十五米都ok架，但游游下又係唔夠氣，去到45米差d唔得，但睇到池邊無理由唔游晒佢架嘛，咪唔吸氣跟住死抓囉，抓多兩三下就抓到池邊啦，差d暈低呀(但個心講：唔好暈呀，今日無靚仔阿sir，得d古古怪怪的救生員叔叔咋)，好彩上水後坐下來就無乜事啦，yeah！

全部同學都考完，得一個唔ok，要最尾個堂再考。之後就大伙兒玩跳水，原來有4個方式跳的，因為之前我走了兩堂無學到，結果今日得我一個學，個個同學坐係池邊睇真人show，不過跳水真係好好玩架，如果再多d時間我都想跳多幾次，多人睇都無乜所謂啦，平時邊有得比你咁跳架！

最後仲教轉池，我對呢個就麻麻地，因為每次轉都好似食wasabi咁，攪到個鼻好唔舒服，都係跳水好玩d

miss係最後預告，星期三係最後一堂，佢有事唔得閒，會有人代課，我即刻諗唔知會唔會又係靚仔阿sir呢。

大家想知結果，等星期三就知啦，wahaha！

餅底材料︰

藍梅醬        20 克   

1. 消化餅壓至細碎 + 牛油溶液，混合後鋪在盤上，用手掌壓實，再放在焗爐焗10mins (150c)

2. 忌廉芝士攪勻，再加入乳酪、糖 、麵粉，混合攪至順滑，加入蛋黃，(續只繽只落)，最後加入whipping cream 混合。(全部用low beat 打，唔好over beat) 。

3. 他他粉+蛋白打至濕性發泡，加入(2) 中攪伴，倒入焗盤中，用150 C 焗1個鐘。

4. 把藍梅醬加上面，放入雪櫃便成。

(閱讀全文)

幸好的是用二晚時間便完成，而又特然多了一天8號風球假，多了一點時間，可以在背上再加字呢！雖然畫功唔算好，但都希望局長喜歡啦！(唔好唔着呀！哈哈哈！)

整完呢個餸，體會到一樣野，對我來說就係千其唔好星期六煮，因為煮咗居然「無人食」，要自己食晒，下次都係等星期日先煮，起碼有同事幫口食吖。