第四年參加盲俠行，今年的主題是超人，

所以我們一班義工用氣球設計了超人公仔，

令氣氛更熱鬧，各位隊員也很喜歡呢！

無想過今年 C & F又再一次獲得

「團體參與人數最多及最高籌款額」獎項

其實有沒有獎項並不重要，最重要是參與及體會，

希望大家繼續努力，出年見！

地點雖然係油麻地，但都好凍下，好彩課室唔凍，如果唔係隻手硬晒點算.....

我們一共學了七個髮型，有些易有些難，不過好好玩，只可惜我的頭髮太短太碎，較難攪，相信要留返一段日子先可以玩多set多d啦。

今年再一次去鳳園，遇見的蝴蝶和昆蟲也比往年的多，
只可惜遲了出發，影得不夠多，希望下年再有機會去影過啦。
晚上到了李師父的馬鞍山新居會所BBQ，位置在會所上層的草地上，
又開揚又清涼，環境一流，今次還是海鮮BBQ呢，
辛苦晒師父的朋友們幫忙預備啦!

168一位任食不過唔包任飲，中等價$$，都算ok!

刺身有四款可選，夠新鮮，所以我們叫了兩round呢

大部份味道都ok，最好味係燒三文魚及帶子，我們邊吃邊傾下年去北海道的事宜，就咁過咗個開心晚上。

今天星假期最後一天, 和媽子二人一早去咗美食展, 本來都只係諗住買少少, 但結果都係買咗好多, 仲要係好重既東東, 諗諗下, 由灣仔攞返屯門, 真係搵緊自己笨....

    戰利品包括:

1. 文化堂木耳龜苓膏10鑵             $10(一蚊鑵)

2. 黃成興海參一斤+送飽魚菇一鑵   $350

3. visjam低糖果占3樽                 $25

4. Fifty50 果占1樽+花生醬1樽     $24

5. green tree 萍果片套裝           $50

6. 時興隡蝦條2鑵                        $18

7. come in 蜜糖米通2包              $10

8. UCC 117 咖啡180g 2包         $160

9. UCC 藍山蒸餾咖啡1包             $80

10. UCC 藍山即沖咖啡4杯             $20

11. 榮華冰皮月餅3包                     $50

12. 大班冰皮月餅2包                     $20

13. 雙匯火腿腸4條+雞肉腸3包        $40

14. 五豐板鴨2隻                           $50

15. 花盆一個                                $8

16. 阿波羅乳果雪糕                       $25

17. 鮮焗帶子2隻                           $10

買得太多, 連近來大力咗既我都頂唔住, 去到家品展那邊已經無乜力, 要係場邊坐在一陣, 結果行到3點幾就要走啦~

今次一行六人，主要係玩同食，因為預計無乜好天氣，所以都無帶愛機去影，只係借了朋友的細機仔去影相。我地二天遊，車費連飲食每人都係用咗$191，抵到暈呀！

等我介紹下我地去在食乜先：

咖哩文：氹仔消防局前地3號

有40幾年歷史，D牛腩和咖哩真係好好味！

莫義記：氹仔官也街

豆腐花唔得，都係香港好味D，但個焦糖布丁就好好味啦~

添發碗仔翅：福龍新街(近新馬路)


這裡是其中一位團友極力推介，我地星期日去，好多人，結果要排好耐隊先有得食，不過真係平靚正架！

雅馨緬甸餐廳：三盞燈飛便度街
好特別的緬甸菜，最好味係馬拉盞金菇菜，吃飽後我也買了一樽回家呢！

香蕉夾餅：下環街來來超市對面

好多旅客都這裡試食，一排$7，好重香蕉味，正呀！

安德魯CAFE：路環市中心

以葡撻出名的安德魯，他的CAFE水準也相當一流，比高包、芝士焗薯、雞肉麵卷配南瓜汁，再加多杯cappuccino，嘩，無得頂呀！

還有一些小吃未寫，待續......

前水警總部建於一八八四年，整組建築羣包括主樓、馬廄及報時塔（俗稱圓屋）。除日治期間(一九四一至一九四五年)曾用作日本海軍基地外，至一九九七年為止，一直為水警所用。主樓本為一所兩層高建築，後於一九二○年代加建一層，主樓東南及東西兩翼為已婚職員宿舍。日治期間於水警總部前草地下建有大規模地下通道。二次大戰後，為安全起見，封閉地下通道，及重鋪草地。報時塔可謂整座水警總部最具特色之建築，為海港船隻報時。其作用於一九○七年大包米的訊號塔落成啟用後而消失。前水警總部為四所現存最古老的政府建築之一。於一九九四年被列為法定古蹟。

旅遊事務署於2003年就前水警總部招標，列明要保留法定古蹟及70多項文物，並需承擔項目復修費，最終由長實以3.5億元投得50年營運權，估計復修費約1500萬元，屬首個「私有化」的法定古蹟。長實於本月起開放項目，昔日水警總部的藍白色改為米色，山丘被移平為仿古梯級式商場，以容納約20間商舖，以花樽形及仿主樓的鐵欄杆裝飾，但山丘下二次大戰期間的隧道已被清拆，項目正式命名為「1881 Heritage」（中文名「1881」），這個集酒店、購物商場及餐飲於一身的活化項目，將於今年「十．一黃金周」開幕。

(閱讀全文)

23日，在入營前，還舉行了一個城市定向活動，非常好玩，由尖沙咀走到中環，再返回旺角，轉至西貢，真係鬥智鬥力，而且在大雨中四圍走，的確彼累的，幸好每位成員都精靈活潑，互相配合，才能順利完成，也真的要仲心多謝設計活動的朋友們，感受到第一次無電話電銀包無八逹通的苦況，多謝晒！

 下午，在西貢北潭涌齊集後，便和風雨一起步入營地，那段路需時約20分鐘，短短時間就使大家濕到透了，我的波鞋已變了水鞋呢

入營後，經過小休，便一齊玩些康樂遊戲。

約5時半便開始全日最精彩環節，黃雨下露天水浸腳BBQ！咁大個人都係第一次試，勁！
今次的食物實在大豐富，有很多剩了下來，幸好最後張大部份食物給了兩位注場姨姨，不致浪費太多，GOOD！

晚上10時許，大家一齊集合玩超級無敵閂大閘，真係笑到眼淚不停流呀！ 

第二日天氣都係無乜點變，繼續不停地落雨，我們吃完早餐後，便一起到活動室玩集體遊戲。

午餐後，又是風雨同路齊齊出營，返到屋企第一件事係「洗鞋」！

ps.感謝各位攪手，辛苦晒，還有謝謝彩虹仙子幫我買了對拖鞋，唔係一定凍死我！

一早媽子和老大去飲茶，而我在家中吃了個小飽之後返教會。
到了下午一時多，約了媽子到荃灣行街，我們會合後便到了川龍街的「豆腐主義」試試。

估唔到勁多人，要排隊等位呀！不過好彩等咗15分鐘後便有位了。

我們叫了一杯豆漿，一碟豆漿腸粉，香煎黑豆腐，三樣都好好味，豆腐好滑，豆漿勁香豆味、腸粉滑得來有淡淡豆香，好正，唔怪得咁多人食啦！

試食完後，我們去了荃新天地行，這裡開了那麼久，都未正式去行過，原來入面都好大好多野賣，好好行呢！

行完一輪，我們又到了第二間店子試試，這間是在豆腐主義斜對面的「荃灣鍋貼大王」
又是一間坐滿人無乜空位的店子，但比起豆腐主義來說就少一點點人吧。

我們叫了一杯豆漿、二件鍋貼、一個煎牛肉包，三款中最好味都算是牛肉包了，其他的都是一般。

好，吃飽飽又繼續去行街街，行了千色店、荃灣城市廣場及荃昌中心，只是買了一件外套給媽子，其他都沒怎樣看得上眼。
行了那麼多地方又要小休一下，便到了美心快餐來個尾場tea。

一杯coffee、一杯OT、一條粟米和一條中size既士華力腸，已經第四餐啦！
休息完又會去邊呢？haha，都係去shopping，去了南豐中心，之後，再去鱟地方市集，最後再回到千色店那邊，因為近來媽子愛上吃燒三文魚，於是本來計劃去吃日本菜作晚餐，但看到附近幾間都爆晒，於是走了去百佳買餸回家做晚餐啦！
過了一日五餐既母親節，真係想「變靚d」又要加把勁了！

平日愛跑跑跳跳，嘻哈大笑的她，
今天在鏡頭下，展現了她少為人知的另一面。

Model：IRIS     Location：三家村

星期日下午去了三家村影相，之後與影友、明大叔及其朋友們一起到了九龍城覓食，在乘的士途中，司機叔叔就介紹咗這間金寶泰國菜館給我們，最初我們是去已想好的一間，但實在太多人，事前又無訂位，於是我們便去司機叔叔介紹的試試。

去到都有很多人，幸好剛剛店子裡的閣樓有位，唔使等，哈哈！

我們一共叫了六個菜，都好好味，可以比90分架，而且都唔貴，六人每人都係六十幾蚊咋！

永遠相信

沒有月亮 我們可以看星光　
失去星光 還有溫暖的眼光
抱著希望 等待就少點感傷　
彷彿不覺得 寒夜太無助太漫長
　
我淚落下 當你說我很堅強　
不是那樣 我只是不肯絕望
因為最怕 茫茫然隨風飄盪　
忍痛不放手 緊抓住夢想的翅膀
　
永遠相信遠方 永遠相信夢想
走在風中雨中 都將心中燭火點亮
給你溫柔雙手 給我可靠肩膀
今夜可以擁抱 可以傾訴忘卻徬徨
　
永遠相信遠方 永遠相信夢想
希望是迷霧中 還能眺望未來的窗
心酸釀成美酒 苦澀因愛芬芳
回頭風裡有歌 歌裡有淚 淚中有陽光

(閱讀全文)